Tim di reskate den akshon pa yuda damita ku a bira malu den mondi

829
Willemstad—– Un tim forma pa polis, personal di Brantwer i tambe algun boluntario a drenta den e mondi na Libu nèt na altura di e Saliña pa bai buska algun hóben ku tabata pidiendo asistensia.

Djasabra den oranan di dia Polis a keda pone na altura ku un grupo di hóben mester ta pega den e pida mondi entre di Boka Samí pa Libu i mester di yudansa pa asina por sali for di esaki. Polis mesora a pidi asistensia di e tim di reskate di Brantwer pa por a bai yuda e grupo di hóben. A bin resultá ku ta un grupo di hóben ku kier a disfrutá di e naturalesa a opta pa drenta mondi na Boka Samí ku e intenshon pa sali na Libu. Pero na kaminda un damita ku tabata forma parti di e grupo mester a sinti su kurpa malu i no por a sigui move mas riba propio forsa. E miembronan di e grupo tampoko no por a yud’é pa kual nan a bati alarma i pidi yudansa. Tabata na e parti di Saliña na e lado di libu e grupo di reskate a drenta den e pida mondi pa asina por a yega serka e hóbennan i a guianan pa por a sali for di e mondi. Tambe a pidi presensia di un ambulans pa asina por a saminá e damita ku a bira malu den mondi.