Den e enkuentro entre Jong Holland i Scherpenheuvel (1-1)…. Christopher ‘Papa’ Isenia ku otro tiru liber espektakular

327
Christopher ‘Papa’ Isenia ku otro tiru liber espektakular djasabra.
BRIEVENGAT – E kampionato lokal di futbòl su promé divishon a kontinuá djasabra último den stadion Ergilio Hato ku e di dos enkuentro di dia ora ku e ekipo di Scherpenheuvel a topa ku e ekipo di Jong Holland.

Tabata un enkuentro ku a ser dirigí pa e árbitro Javier Jauregui. Mester remarka ku tabata un enkuentro ku un mihó nivel kompará ku e enkuentro promé, pero ku tòg a deslusí poko pa e kantidat haltu di karchi ku a keda saká pa e arbitro Jauregui.

Ámbos ekipo a bataya fuerte kontra otro pero no por a yega mas leu ku un empate. Tabata e ekipo di Jong Holland ku ta bai ariba trempan ku gol anotá pa Jersley ‘Pipo’ Kroonstadt na di 5 minüt di e enkuentro i despues tabata Christopher ‘Papa’ Isena, ku pa medio di un tiru liber estilo Messi (Su di dos siguí pa loke ta bai di e aktual temporada), ta logra e gol di empate pa Scherpenheuvel na di 55 minut di e enkuentro.

E wega ta finalisá den un empate i tabata e di tres wega siguí di e fin di siman ku ta finalisá empatá.