Ganando e ‘William Bonac Classic 2019’ na Amsterdam…. Body-builder Jonathan Pieter a optené su ‘IFBB pro-card’

620
Body-builder Jonathan Pieter aki ta risibi su IFBB pro-card for di man di William Bonac.
AMSTERDAM – Djasabra último na Amsterdam Hulanda, den ‘Theater Amsterdam’, a tuma lugá e famoso kompetensia di ‘body-building’ ku ta hiba di nòmber ‘William Bonac Classic’.

Den e kompetensia aki a otorgá un total di 8 ‘IFBB pro-card’ na e ganadónan apsoluto di e 8 kompetensianan di kual por a kompetí den dje.

Tabata den e kategoria ‘body-building’ maskulino, ku a konta ku partisipashon di 15 body-builder, e yu di Kòrsou Jonathan Pieter a logra gana e título máksimo i di e forma aki ta optené su ‘IFBB pro-card’ na edat di 27 aña.

Un pabien na Jonathan Pieter ku e logro aki.