Grupo grandi di indokumentadó detené

299
Tabata trata di un boto tipo yola yena ku no ménos di 44 Venezolano ku kier a drenta nos Pais.
Willemstad—–Riba 20 di novèmber último e helikòpter NH-90 di e barku di Marina Real Zr.Ms. Groningen a detektá un boto sospechoso durante un buelo di patruya. E boto, un lancha di e tipo yola tabata nabega direkshon di Kòrsou for di sùit.

E Sentro di Reskate i Kordinashon di Wardakosta (RCC) mesora a dirigí un tim di Metal Shark na e lokalidat di e lancha despues di a ser notifiká pa e tripulashon di e helikòpter NH-90. Na bordo di e lancha tabatin un grupo grandi di persona indokumentá ku kier a drenta Kòrsou. Debí na e kantidat grandi di persona RCC mester a manda un Metal Shark mas pa por a asistí i trese tur e personanan na e pir di Wardakosta na Parera. Na total a detené 44 persona di nashonalidat Venesolano di kual 29 hende hòmber i 15 hende muhé. E personanan a ser entregá na polis pa por hasi mas investigashon.