Denzel asigná komo kapitandi PSV…. Denzel Dumfries i Armando Obispo demostrando disiplina

307
Denzel Dumfries kapitan di e ekipo PSV i Armando Obispo di Vitesse.
HULANDA – Un detaye ku sigur ta remarkabel ta e konsistensha di hungadónan di futbòl, sigur mirando e alto grado di rísiko ku tin pa leshoná i òf keda for di forma.

Den e kaso di Denzel Dumfries di e ekipo PSV i Armando Obispo di Vitesse, ta remarkabel ku ámbos hungadó no e pèrdè niun minüt di wega te ainda, pa loke ta bai di e temporada aktual den ‘Eredivisie’, hungando pa nan respektivo ekipo. Ámbos hungadó di rais antiano a hunga kompletu den tur 14 enkuentro ku nan respektivo ekipo pa loke ta bai di e temporada aktual i e disiplina aki ta algu sigur di elogiá.

Ta di destaka tambe ku djadumingu ultimo e entrenado di e ekipo di PSV, Mark van Bommel, a tuma e desishon di hasi e futbolista di origen arubano, Denzel Dumfries, nan kapitan. Denzel den apenas su di dos temporada ku e ekipo di PSV i ku 23 aña, ta haña e responsabilidat di liderá un di e ekiponan mas grandi di Hulanda.