Dybala a kaba ku Atleti ku un goya di gol

67
Fot paulina: Paul Dybala (R) ta kore pasá dilanti di e kiper di Atleti, Jan Oblak, despues di fusile un tiru devastador.  “ La Joya” ta un dje hungadonan ku mas den forma ta últimamente.

TURIN,  – No tin nada otro pa hasi, esta ku Atletico Madrid mester hunga su klasifikashon riba e ultimo fecha pa loke ta e fase di grupo di Champions League,  despues ku ayera nan a kai vensi ku skor di 1-0 kontra di Juventus.

E plantel di Diego Pablo Simeone no a hunga mal partido ya ku komo bishitante nan a preshona hopi den   Juventus Stadium, pero finalmente nan a kai vensi ku skor minimo for di un tiru liber kasi riba e liña di korner na e parti drechi dje gol defende pa ekipo spaño di parti dje argentino, Paulo Dybala.  

Pa QMsports e miho gol dje hornada di ayera den Champions League tabata di “ La Joya”, ku asta den “slow motion” e bala tabata bai duru.

Kosnan Importante dje Partido:

Juventus: Szczesny; Danilo, De Ligt, Bonucci, De Sciglio; Bentancur (Khedira, 86′), Pjanic, Matuidi; Ramsey (Bernardeschi, 63′); Dybala (Higuaín, 76′) i Cristiano.

Atlético: Oblak; Trippier, Felipe, Hermoso, Lodi (Lemar, 64′); Koke, Herrera (Correa, 60′), Thomas, Saúl; Morata y Vitolo (Joao Félix, 54′).

Golnan: 1-0 M. 45 Dybala

Refri: Anthony Taylor (Inglatera).  E la duna karchi hel na  Bentancur (35′) / Hermoso (32′), Lodi (40′), Saúl (52′) i Herrera (58′).