PSG a empatá 2-2 ku Real Madrid den  Santiago Bernabéu

72
Fot keylor: Keylor Navas (R) ta salba e ekipo di PSG den un hungada di peliger dilanti su portería. E kiper kostarisense pa nos e mihó riba tereno ayera pa Paris Saint Germain.
 

MADRID,  – E ekipo di Real Madrid i París Saint Germain a empatá 2-2 den partido ku a bira ferfelu den e último minütnan dje enkuentro pa ekipo di kas.

Real Madrid den promé parti dje partido a dominá sigur despues  ku e delantero franses, Karim Benzema, a skor su di dos gol na di 79 minüt dje partido.

Pero despues di esaki e ekipo blanku manehá pa e mister, Zinedine Zidane, a medio kai den otro ya ku den dos minüt PSG a skor dos gol pa empatá e partido 2-2.

Un punto ku ta laga e plantel di Zinedine Zidane sin opshon pa kaba na promé lugá den su grupo den e último partido di fase di grupo, miéntras ku e partido di ayera ta laganan ku un sabor marga despues ku nan a dominá gran parti di esaki  te ora un eror di  entendimentu entre e franses, Raphael  Varane i e kiper belga, Thibaut Courtois, a provoká e reakshon dje ekipo bishitante.

E franses, Kylian Mbappé, a  probechá di eror pa asina hasi e partido  2-1, miéntras ku na  minüt 81 solamente dos minüt despues e spañó, Pablo Sarabia, a probechá bala ku a kai den bashí den aria penal pa manda un tira kòrtá ku pia links pa hasi e partido 2-2, porsierto skor definitivo.

Kosnan Importante dje Partido:

Real Madrid: Courtois; Carvajal, Sergio Ramos, Varane, Marcelo; Casemiro, Valverde (Modric, 76′), Kroos, Isco (Rodrygo, 82′); Hazard (Bale, 68′) i Benzema.

PSG: Keylor Navas; Meunier, Thiago Silva, Kimpembe, Bernat; Marquinhos, Gueye (Neymar, 46′)., Verratti; Di María (Draxler, 75′), Mbappé e Icardi (Sarabia, 75′).

Refri: Artur Dias (Portugal).. E la mustra karchi hel na Marcelo di  Real Madrid i na Meunier di PSG. .

Golnan: 1-0 M. 17 Benzema. 2-0 M. 79 Benzema. 2-1 M. 81 Icardi. 2-2 M. 83 Sarabia.

Insidensianan: Partido korespondiente  pa e di sinku hornada bálido pa grupo A di  Champions League  disputa den  Santiago Bernabéu, dilanti di  70.000 fanátiko,  ku un anochi di áwaseru.