Atrakadó ta spùit dos dama ku fumait kita nan pertinensha bai kuné

371
Willemstad— Polis mester a bai na un hotèl den aria di Sonesta pa un kaso di atrako riba dos guest di sekso femenino.

Den oranan di anochi na momento ku e dos guest nan aki  tabata sinta dilanti nan kamber na e hotèl nan a wòrdu sorprendé pa dos tipo kara tapa. Un di e  tiponan aki mester a logra di kue e bòter di fumait i a spùit e dama nan ku esaki miéntras e otro a drenta den e kamber i asina a logra di poderá di e tasnan di e dama nan. A surgi un forsageo unda un di e dama nan a logra di kita un tas pero e tiponan a kore bai ku e otro.  E tiponan aki mester a bula e kura na e parti patras di e hotèl pa asina por a bandoná e sitio. Polis a keda yama pa asina por a kontinuá ku e investigashon.