Avioneta kargá ku droga ta kai

160
Avioneta kargá ku droga ta kai

ECUADOR – E fiskalia di Ecuador e informá di ku a inisiá ku un investigashon pa ku kaida i seguidamente sendementu na kandela di un avioneta supuestamente kargá ku droga na un zona montañoso di e provinsia kostero di Manabi. Aki aparentemente a haña ademas dos kurpa sin bida, kompletamente kimá.
E fiskal a indiká ku di nan banda a habri un investigashon relashoná ku e echo, kua a keda reportá den oranan di djadumingu mainta, na e region di Montecristi, den e sektor konosí komo El Manantal. Aki fiskal i tambe un unidat spesial a dirigími nan mes pa hasi investigashonnan.
Na e sitio, segun un komunikado di Ministerio Públiko, a haña vários marka i kosnan ku ta laga sospechá ku, pa karakterístikanan di e lugá, e tabata keda usá komo un pista klandestino pa aterisá avionetanan ku ta transportá droga.
Ademas, e agentenan polisial a haña un vehíkulo bandoná, na masoménos 500 meter for di e sitio di e aksidente. Den e vehíkulo aki tabata yena ku artíkulonan i droga.
E fiskal di e provinsia di Manabi, Karla Velez, a indiká ku e ta suponé ku e avioneta ta di un orígen ekstranhero, pa kua mesora a pidi Direkshon di Aviashon Sivil pa tuma prosedimentu pa verifiká si tabatin outorisashon pa bula den e orarionan aki. Tambe a manda investigá e numbernan di registro di e avioneta.
E fiskal Carlos Piedra a indiká ku durante e operashon aki a haña ocho telefon selular i un radio di komunikashon, kua nan a keda afektá pa e kandela. Pa e motibu aki ainda ta trahando pa analisá esaki nan su kontenido.
Tambe mesora a inisiá ku e trabounan pa asina dòkternan por logra identifiká e dos kurpanan sin bida ku a keda kimá.
E kaso aki ta keda investigá pa e delitu di tráfiko ilegal di supstansianan katalogá suheto na fiskalisashon, tipifiká den e Kódigo Orgániko Integral Penal, kua ta sanshoná e tipo di aktonan aki ku entre sinku i shete aña di prizòn.