Joao Félix Golden Boy 2019

63
Fot Joao: Joao Félix di Portugal a keda skohe komo Golden Boy di 2019 pa 'Tuttosport'. E lo mester bira e susesor di Cristiano Ronaldo.

ROMA,  – E delantero portugues di Atlético Madrid, Joao Félix, a keda eligí djarason komo ganadó di  Golden Boy 2019, porsierto premio ku a keda otorgá pa e korant italiano ‘Tuttosport’ na e mihó hungadó sub-21 di aña ku ta militá den un Liga europeo.

Joao Félix di 20 aña a keda firma den zomer último pa  Atlético Madrid for dje ekipo di Benfica, miéntras ku mester apuntá ku e la keda eligí pa un hurado di kuarenta periodista dje prinsipal medionan di komunikashon italiano i internashonal.

E delantero portugues a anotá 20 gol aña pasá pa ekipo di Benfica i a keda korona komo kampeon di Liga di Nashonnan di  UEFA ku e selekshon prinsipal portugues.