Sindikatonan ta realisá yamada pa otro paro na Colombia

123
Siudadanonan un biaha mas a keda yamá pa subi kaya awe den forma masivo.

BOGOTA – E lidernan di sentronan obrero i movementunan sosial di Colombia a lanta for di mesa di diálogo den oranan di ayera, ku e presidente Ivan Duque, i a konvoká paro nashonal kontra polítiko ekonómiko i sosial di e gobièrnu pa awe.
Segun a keda señalá, lo reforsá i elevá e protestanan. Pues a disidí pa realisá un paro nashonal pa ku e mobilisashonnan masivo rònt e pais. Esaki segun loke a keda afirmá pa e sekretario general di e Sentral Unitario di Trahadónan, Elias Fronseca.
E protestanan na e pais a inisiá for di djaweps siman pasá, na momentu ku e kolombianonan a subi kayanan prinsipal di e siudatnan, pa di e forma aki manifestá kontra e gobièrnu i mustra nan rechaso pa e intenshon di hasi e sistema di penshun den un reforma laboral.