Banko hulandes envolví den iregularidatnan Congo

104
derechonan humano a konstatá abusunan riba plantashi na Congo
AMSTERDAM/CONGO—Banko di desaroyo hulandes FMO ta envolví den iregularidatnan riba tres plantashi di zeta palma na Congo.

Segun organisashon di derechonan humano HRW trahadónan di e plantashi ta mal pagá i ta traha sin protekshon spesial pa pestisida. Tambe e plantashi ta dump desperdisio den awa asina polushoná awa di bebe. FMO ta envolví den e plantashonnan komo ko-finansiadó di Feronia, e kompania doño di e tereno agrikola. Komo invershonista nan por pone kondishonnan ora ta trata bienestar di trahadonan. Pero mientras esaki no sosode tin un problema grandi den Congo, segun organisashon di derechonan humano. FMO a keda funda den 1970 pa gobièrnu hulandes pa invertí den proyektonan den paisnan den desaroyo. banda di FMO otrobankonan di desaroyo di Alemania, Belgika i Inglatera tambe tabata envolví den e iregularidatnan. E 4 bankonan a invertí for di 2013 kasi 100 mion dòler den Feronia. E bankonan a rekonose ku tin problema riba e plantashonnan, pero ku no tin solushonnan fasil pa desafionan. Congo ta konosí komo e pais mas pober na mundu. E bankonan ta na altura i ta tuma e resultadonan dje rapòrt na serio. Mas di 100.000 ta dependé di e kompania pero tòg ta biba den pobresa total. Nan ta gana algu riba 1 euro pa dia ku ta bou di e mínimo di Banko Mundial pa un eksistensia humano.