Detenshon mafia italiano den Den Haag

167
detenshon ku koperashon di servisio antimafia italiano
DEN HAAG—Djaluna outoridatnan polisial a detené un miembro di mafia italiano den un restorant na Den Haag.

Outoridatnan tabata buska e hòmber pasobra e tabata kordiná e trafikashon di droga di Hulanda pa Italia i e ta miembro di un organisashon kriminal. Tin un kastigu di 30 aña maksimo pa esaki. E italiano tabata e úniko sospechoso di e banda ku ainda tabata liber. El a keda detené den e restorant kaminda e ta traha komo koki. E detenshon a tuma lugá ku koperashon di Voorziening Anti-Maffia, un team di polis di unidat sentral instalá den 2017 i servisio antimafia italiano. E investigashon italiano tabata pa e periodo entre 2013 i 2016 den region di Napels. No ta prome biaha ku ta detené un miembro di mafia den horeka. Den 2018 a detené 5 sospechoso durante un akshon grandi kontra mafia italiano. Esaki a tuma lugá den algun pizeria i hotel den Den Haag, Zoetermeer, Amsterdam, Amstelveen, Velsen, Rotterdam, Tegelen i Sittard. Un miembro di mafia sisiliano a keda detené den 2016 den Den Haag. E tabata envolví den asesinato, ekstorshon, labamentu di plaka i trafikashon di droga.