Eksploshon bankomátiko Zundert

80
tur siman atrako ku eksplosivo riba bankomátiko
ZUNDERT—Kriminalnan a pone eksplosivo riba un bankomátiko na Zundert, Brabant den anochi di djamars pa djárason.

Esaki a tuma lugá alrededor di 3:15. Habitentenan a meldu polis ku nan a tende dos klap duru. Posiblemente tabatin dos sospechoso ku a hui riba un motosikleta òf skuter. Apesar di un búskeda ektenso no a logra detené nan. Spesialistanan di eksplosivo a yega na e sitio pa hasi investigashon. E daño na e edifisio kaminda e bankomátiko ta situá i otro edifisionan ta grandi. Outoridatnan a evakuá e kasnan den área. No ta konosí si nan a bai ku plaka. E ultimo lunanan tabatin atrakonan ku eksplosivo riba bankomatikonan kasi tur siman den Hulanda, prinsipalmente den west di pais.