Eksploshon outo den Utrecht, posiblemente intenshonal

216
dama doño di outo no ta kompronde e atentado
UTRECHT—Den bario Ondiep na Utrecht un outo a pèrde su dak parsialmente despues di un eksploshon intenshonal.

Afortunadamente ningun hende a keda heridá. Polis ta investigando kiko a pasa presis pero ta sospechá ku ta un akto intenshonal. Tambe ta investigando e tipo di eksplosivo. E eksploshon tabata alrededor di 3:15. Testigunan ta papia di un zonido hopi duru. E daño material ta enorme i tur kaminda a keda glas mientras e windshield tambe a bula. E doño di e outo a bisa prensa regional ku e ta den shòk. E dama no tin problema ku ningun hende i no ta kompronde dikon a pone eksploshon den su outo. Hendenan den area tambe a reakshoná sorprende. Den oktober tambe tabatin un insidente den e kaya. Den e kaso ei un dama poko konfundí a purba eksplotá su mes kas. Pa basta tempu e dama tabata okashoná problema den e bario. El a keda detené. Polis ta hasi yamada riba testigunan pa mèldu.