Hóben tirá durante protesta ta pèrdè bista

256
SANTIAGO DE CHILE – E hóben Gustavo Gatica, kende a risibí herida di bala den su kara durante manifestashonnan registraa na Chile, a keda finalmente siegu. Esaki aunke ku tabatin speransa ku e lo por a konservá algu di vishon na un di e wowonan.
Segun dòkternan a indiká, e gravedat di su leshonnan a determiná su kondishon di vishon, lagando esaki na 0 di forma permanente.

Esaki ta e promé manifestante ku ta pèrdè su bista kompletamente pa tirunan durante un protesta. Esaki ta kombertí su mes den e kaso mas serio di aktonan brutal di parti outoridatnan durante algun akshon, kua den e kaso na Chile aki, e situashon ta di e forma aki for di 18 òktober último.
Segun e último informe di e instituto nashonal di derechinan humano, un total di 232 persona tin heridanan grave na altura di wowo, produkto di tirunan realisá pa agentenan for di inisio di e krísis.

E hóben, di 21 aña di edat i studiante di sikologia, a keda tirá dia 8 di novèmber último na momentu ku e tabata protestá na Plaza Italia.
E situashon na e pais ta unu basta serio, pues loke ku a inisiá komo un simpel problema di studiantenan na un metro di Santiago i kende nan a protesta kontra oumento di tarifa, a kombertí su mes den un situashon serio sosial. Inkluso un di esnan mas serio den e último 3 dékadanan. Esaki nan tur ta reklamá un modelo ekonómiko mas hustu.
Huntu ku esaki tambe ata reklamá bida di mas di 23 hóben, kendenan a pèrdè nan bida nan durante e tipo di protestanan aki. Sinku di esaki nan na man di outoridatnan polisial di e pais.