OM ta pidi 14 aña pa mega-transporte kokaina

158
duo responsabel pa transporte 10.500 kilo kokaina (mei bion euro)
ROTTERDAM—OM a pidi 14 aña den korte di Rotterdam pa Paul W di kompania di transporte relashoná ku kontrabanda di 10.500 kilo di kokaina.

Su sekretaria Christel B a tende un demanda di 12 aña. Segun Ministerio Públiko e duo tabata envolví den transportenan di 3500 kilo i tambe di 7000 kilo ku un balor riba kaya di mas ku mei bion euro. E lotenan di kokaina tabata den konteinernan di banana. Dos sospechoso mas tabata responsabel pa importashon di 3500 kilo kokaina segun OM. OM a pidi 9 i 6 aña kastigu pa nan. Ta trata di un hòmber (32) di Amsterdam i un hòmber (65) di Turnhout. E dos karganan ku banana di Sur-Amerika a drenta haf di Antwerpen dianan 30 desember 2017 i 24 ougustus 2018. Segun OM e kompania di transporte di W a transportá e droga pa Hulanda. Sin konosementu di e sospechosonan a bai ku e 3500 kilo kokaina. Ora e sospechoso a ripará den deskarga ku e kokaina a disperse e tabata visiblemente den paniko segun imagennan di kámara. Aki a detené e 4 sospechosonan tambe. A haña selurnan desechabel i esnan seyá. Durante e tratamentu di e kaso no a bira konosí ken e otro sospechosonan ta.