Sendementu di lus den Sentro di Siudat

204
Punda- Despues di basta dia di trabou duru di parti di trahadónan di Aqualectra pa logra dòrna nos Sentro di Siudat ku e diferente adornonan pa asina yama e temporada di Pasku bon bini.

Ayera tabatin sendementu di e lusnan aki den sentro di siudat tantu den Punda i Otrabanda. Minister di Desaroyo Ekonómiko Sra. Mc. William huntu ku Minister di VVRP Sra. Jesus Leito i tambe Minister di Enseñansa Sra. Alacala Walle a sòru pa sende e lusnan i asina lusa nos sentro di siudat tur na lusnan di Pasku. Esaki sigur ta pa  tur siudadano por disfrutá i sinti e esfera di Pasku. Tabata henter un tim di trahadónan di Aqualectra ku a traha algun dia èkstra pa asina awe pueblo di Kòrsou por disfrutá di un Sentro di Siudat tur na lus. Un biaha mas un palabra di felisitashon na tur e trahadónan pa por a trese un bunita produkto pa nos pueblo.

Momentu ku tabata sende e lusnan na Wilhelminaplein.