Un aksidente di bùs ta laga 41 turista heridá na Santo Domingo

126
Outoridatnan ku a presentá na e sitio di e aksidente.

SANTO DOMINGO – Un total di 41 persona a resultá heridá despues di un aksidente entre un bùs ku tabata transportá turistanan ruso i un trùk na ost di Repúblika Dominikana.
E aksidente a keda produsí na momentu ku e shofùr a pèrdè kòntròl di e vehíkulo pa un fayo mekániko i a aksidentá kontra un trùk di un empresa, na e outopista ku ta uni Santo Domingo ku e kompleho turístiko di Punta Cana.
Segun medionan di komunikashon, 15 di e 41 turistanan heridá den e aksidente aki ta den un situashon kritiko. Un di esaki nan inkluso mester a keda trasladá den helikòpter pa un sentro médiko di Santo Domingo.
Seis di e turistanan ruso a keda trasladá pa Santo Dmingo, miéntras ku e shofùr, dominikano, ta permanesé tambe interná den kondishonnan kritiko i delikado na e sentro médiko di Higuey.
Inkluso tin vershonnan, ku algun di e personanan mester a sufri amputashonnan.
Na momentu di e aksidente, e turistanan tabata dirigí nan mes pa e aeropuerto di La Romana, na ost di e pais, unda nan tabatin planiá di subi un buelo