CBCS tei lanta awe den problema

385
Skalo—Tenshon ta basta haltu den seno di Banko Sentral. Manera Vigilante a bini ta relatando, e situashon den e instituto máksimo monetario na Kòrsou tin un krísis den maneho. Ayera atardi tabatin un reunion urgente, ku awe lo resultá den un reunion general ku empleadonan dje banko.

Ayera atardi, na momento ku empleadonan tabata bayendo kas, gerensia di Banko Sentral a yama un reunion urgente pa miembronan den Hunta di Maneho. E intenshon dje reunion ta pa awe mainta, hasi un anunsio general na empleadonan dje banko kontroladó. Durante e siman tras di lomba, den algun medio di komunikashon i tambe den Vigilante, a sali publiká ku tin problema den seno di gerensha. Presidente di e Hunta, mr. Etienne Ys a desmentí e rumornan, pero ta resultando ku Bob Traa kende ta presidente direkto dje instituto no ta kontentu miéntras ku IMF tampoko no ta dunando konsehonan positivo pa  CBCS. Awe mainta por spera mas detaye dej desaroyonan rondó di Banko Sentral.