Den stadion Antoine Maduro (Subt)…. Scherpenheuvel i UnDeBa ta kla pa topa otro awe nochi 8’or

283
Awe djabièrnè 8’or ta UnDeBa kontra Sherpenheuvel den stadion Antoine Maduro.
WILLEMSTAD – E kampionato lokal di futbòl su promé divishon ta kontinuá e fin di siman aki den stadion Antoine Maduro.

Despues ku e di tres fecha di e promé buèlta di e kampionato di futbòl lokal su promé divishon a tuma lugá djárason último den stadion Ergilio Hato ku e ekipo di Jong Holland ganando di e ekipo di Centro Dominguito ku skor di 1-0 (Gol anotá na di 75 minüt pa Dwaylon Maria), awe djabièrnè, pa 8’or anochi, kosnan ta kontinuá den stadion Antoine Maduro (Subt) ku e ekipo sup kampion di Kòrsou, Scherpenheuvel, enfrentando e fuerte ekipo di UnDeBa.

Pues e fin di siman ta habri super emoshonante ku un duelo entre pariba i pabou. Ta bon pa remarká ku tur e enkuentronan di promé divishon pa e fin di siman aki ta tuma lugá na Subt.