Eksploshon bankomátiko den Breda

90
otro atrako ku eksplosivo
BREDA—Den anochi di djárason pa djaweps tabatin un eksploshon di e bankomátiko den sentro komersial na Breda.

Diferente melding a drenta na polis alrededor di 3:35 di zonidonan duru. Unidatnan di polis i marechaussee a yega na e sitio. Nan a haña un ravage total kaminda e edifisio kaminda e bankomatiko ta situa a keda ku bastante daño material. E bankomatiko di ABN AMRO ta situa den sentro komersial di Hoge Vucht pafó di sentro di siudat di Breda. Testigunan a bisa ku nan a mira dos hòmber hui riba un skuter den direkshon di Brusselstraat. Tambe a mira un outo sospechoso. No ta konosí si nan a bai ku plaka.