Eksploshon den lots (lab droga) na Weert

117
un sospechoso a keda gravemente heridá
WEERT—Den un lots na Weert kaminda posiblemente tabata produsí droganan sintetiko tabatin un eksploshon sigui pa kandela.

Parti di e dak a keda destruí parsialmente. Durante paga kandela outoridatnan a deskubrí e lokalidat di produkshon di droga. Brantwer tabatin e kandela rápido bou di kontrol. Den e lots tabatin diferente barinan ku material sintetiko. Landelijke Faciliteit Ontmantelen ta hasi investigashon den e lots. Polis a detené 4 sospechoso, bou di kua doño di e edifisio pega ku e lots. Dos di esnan detené ta den hospital, di kua unu ku heridanan grave. Segun polis nan a hiba nan den un vehíkulo pa tratamentu na hospital. Un terser persona a hui pero a logra detené den area di hospital. Den e vehíkulo polis a haña diferente material pa produkshon di droga. Entretantu a konfiská e vehíkulo segun Omroep Gelderland.