Hospital di New Jersey ta hasi operashon na pashènt robes

378
E sentro médiko a aseptá nan fayo den e kaso aki.
ESTADOS UNIDOS – Un sentro médiko di New Jersey, Estádos Unídos, a atmití ku nan a kometé un eror realisando un transplante di nir na e persona robes, pero ku e mesun nòmber i edat ku e pashènt ku en realidat mester a risibí e órgano aki riba e mesun dia.

Afortunadamente, e pashènt ku a keda someté na e transplantá tambe tabata den nesesidat di un nir pero no tabata riba e promé lugánan di un lista di Red Uní pa Repartishon di Órganonan.
E operashon a keda realisá dia 18 di novèmber último na Virtua Our Lady of Lourdes, e úniko na sùit di New Jersey ku ta realisá transplante. Pero no tabata te den oranan di djarason último ku e suseso a keda publiká.
E hospital di su banda a rekonosé su eror i a aseptá ku un eror di magnitut aki ta kos ku ta pasa masha poko.
E pashènt ku tabata suponé di risibí e transplante dia 18 di novèmber último a keda someté finalmente na un operashon den oranan di fin di siman pasá, ámbos awor ta rekuperando satisfaktoriamente.