‘Lifting In Paradise’ a resultá un éksito kompletu

253
Algun di e deportistanan ku a kompetí den e kompetensia ‘Lifting In Paradise’.
WILLEMSTAD – Djasabra 23 di ougùstùs último, Curacao Weightlifting Federation a organisá su último kompetensha di hisamentu di peso pa aña 2019, kual ta e kampeonato nashonal titulá Lifting In Paradise 2019.E kampeonato a tuma lugá na Stadion Odulio Willems, den sala multi funshonal Niels Liberia ku partisipashon di 18 deportista, ku a kompetí den hisamentu di peso olímpiko.

E chèri riba e bolo tabata e demostrashon di un kantidat signifikativo di 7 hóben, entre 6 pa 9 aña di edat, ku a bin mustra tur presente ku no mester tin miedu pa kuminsá práktika e deporte na edat hóben asina aki, ya ku Curaçao Weightlifting tin ekiponan di inisiashon nesesario ku for di edat yòn por kuminsá traha riba e téknika di e deporte.

Tabata  emoshonante di mira kada un di e hóbennan aki ku e animo pa  duna un demostrashon den ‘snatch’ i ‘clean & jerk’. Na final por a mira e alegria  i orguyo riba nan kara despues di a haña nan medaya di estímulo.

Tambe na final, tur e deportistanan aki a demostrá nan forsa partisipando na e kompetensha di ‘deadlift’. E aktividat a konta ku deportistanan miembro di Curacao Weightlifting, pero tambe deportistanan ku a bin di Crossfit Willemstad I Crossfit5 Triple9, Crossfit Zeelandia.

Curaçao Weightlifting por mira bèk un biaha mas riba un kampeonato  sumamente eksitoso i ta gradisí tur atleta miembro, Crossfit Willemstad, Crossfit5Triple9,Crossfit Zeelandia, famianan i konosí tur e boluntarionan ku di forma inkansabel a duna un man.