Rumannan ta haña te 4 aña pa froude mionario ku fondo di kuido

121
rumannan a traha apartamentonan na Turkia ku e plaka
UTRECHT—Korte di Midden-Nederland a kondená tres ruman di Utrecht na kastigunan te 4 aña pa froude ku presupuestonan personal (pgb).

E trio tabata manehá di 2014 te na momentu di nan detenshon den 2018 un organisashon di kuido na kas. Nan tabata kobra pa servisionan di kuido i guia individual di klientenan ku no tabata keda ehekutá. Nan tabata kobra di mas. E ganashi tabata keda repartí ku e klientenan. Segun korte a keda proba ku e rumannan a hòrtá asina diferente instansia pa 4,5 mion euro. Tambe nan a laba plaka na balor di 6,5 mion euro. Esaki entre otro ku konstrukshon di apartamentonan na Turkia. Korte ta di opinion ku e rumanan a hasi maluso di areglo di presupuestonan individual i ta tuma nan na malu ku a hasi esaki ku plaka di pueblo pa kuido. Banda di e kastigu e rumannan a haña un prohibishon di traha den sektor di kuido pa 6 aña i un but di 295.000 euro.