Vários vehíkulo hòrtá hañá den mondi na Bullenbaai

882
Willemstad— Polis a keda dirigí pa e mondi na Bullenbaai unda a bin deskubrí un kantidat di vehíkulo hòrtá i tambe basta piesa.

Ayera den oranan di mainta Polis di Barber a keda dirigí pa e mondi na Bullenbaai unda a bin topa ku  vários vehíkulo prosedente di ladronisia. Tabata un suidadano ku tabata kanando den e mondi a bin topa ku  un sitio den e mondi ku tabata ser usa pa pluma outonan hòrtá. Tabata trata di outo i tambe SUV. Polis mester a pidi asistensia di tres kran pa asina por a konfiská e seis vehíkulonan ku a bin topa den e mondi. A bai warda ku esaki nan pa asina por a hasié  demas investigashon.