Studiante ta purba venená dosente

1079
studiante ta lamentá su akshon
AMSTERDAM—Un studiante di Wellamtcollege na Amsterdam a venená su dosente e siman akin a skol.

E studiante a haña un diskushon durante lès di kushinamentu ku e dosente pasobra e no tabatin mag di usa su telefòn. Seguidamente el a basha desinfektante den e glas di e dosente. E dosente a bira malu despues di bebe su te ku e supstansia aden. E dama a risibí tratamentu médiko serka dòkter di kas pasobra e tabatin keho di su lenga. E ta rekuperando n akas. Un bosero di Wellant a konfirmá e notisia. E skol ta tuma e kaso hopi na serio pero ta enfatisá ku e studiante mes tambe a spanta. El a repenti di loke el a hasi. A tuma medidanan kontra e studiante segun e skol. E studiante ta menor di edat i tin obligashon di bai skol. Pa e motibu aki ta mande pa otro filial di e skol kaminda lo e haña èkstra guia. Wellantcollege tin 8 filial na Randstad, di kua tres den Amsterdam. E ta duna edukashon riba nivel mbo, vmbo i mavo.