Polis ta detené dos hòmber ku a hòrta kaha di wiski i bòternan di bebida

For di den un minimarket riba Rooseveltweg

935
Willemstad—- Bon trabou i akshon rápido di Polisnan a pone ku un ratu promé a detené dos tipo ku a kometé un ladronisia ku violensia na un minimarket riba Rooseveltweg unda a bai ku kaha di wiski.

Djamars 3 di desèmber 2019, alrededor di 11.40’or, a tuma lugá un kaso di atrako na un minimarket riba F.D. Rooseveltweg.

Dos hòmber a drenta e establesimentu i bai ku un kaha di wiski i algun bòter mas detayá.  Na momentu ku e propietario a sali tras di e duo aki, un di nan lo mester a manda e doño ku un bòter di wiski.

Despues nan lo mester a drenta un vehíkulo i bai for di e sitio. Unidatnan polisial ku tabata patruya den serkania a bin topa ku e vehíkulo den Kaya Shilling.

Mesora a kuminsá un persekushon i den kaya Selimac, a bin logra para e outo aki i detené e dos hòmbernan sospechoso R.S.E.A.S. di 64 aña di edat i J.S.S. di 24 aña di edat, ámbos nase na Kòrsou.

A presentá e duo dilanti di un fiskal ouksiliar ku a ordená nan enkarselamentu pendiente di mas investigashon.