Entrada hudisial den Otrobanda ku dos detenshon pa droga

1175
Kantidat di droga, atributo pa prosesá droga i arma ku a keda konfiská den e kas.
Willemstad— Ayera un kantidat di Polis a baha den Otrobanda pa ta mas eksakto patras di e konosido Hardee’s pa asina realisá entrada hudisial enkonekshon ku violashon di e lei di droga.
Vehíkulo ku a keda listrá den tur huki.
Mesora e la keda transportá pa warda.

 

 

 

 

 

 

For di den oranan di atardi un tim forma pa un kantidat di Polis i tambe miembronan di Marina a bai den Otrobanda pa asina realisá entrada nan hudisial despues di a haña e informashon ku tin benta di droga tumando lugá na sigur dos kas. A bai na un kas den Gasthuisstraat unda despues di un búskeda di basta ratu a detené un hòmber pa violashon di e lei di droga i tambe a konfiská algu di droga. Na e di dos kas kual ta keda den Zaantjessteeg si a bin kanta bingo unda a bin topa ku basta droga, atributonan pa prepará droga i tambe rifel. A bin topa ku un kantidat di pakinan di droga kla pa subi merkado. Den e kas a logra di detené un hòmber pa violashon di e lei di droga i tambe arma di kandela. Ta trata di un investigashon ku sigur a tuma mas di kuater ora den e kasnan na Otrobanda.