‘Sontje’ Hansen lo ta ku Jong Ajax awe

231
'Sontje' Hansen.
HULANDA—E futbolista di apénas 17 aña di edat, ‘Sontje’ Hansen, kende resientemente tabata e máksimo goliadó di e kampionato mundial di futbòl U-17, ku a tuma lugá na Brazil, lo ta ku Jong Ajax awe.

Esaki pa e wega bálido pa e di 2 divishon di futbòl hulandes, ora ku nan lo ta di bishita, enfrentando e ekipo di Cambuur, ku ta konta ku Jarchinio Antonia.

E hóben futbolista, atakante di e ekipo U-19 di e organisashon di Amsterdam, ta hañando su chènsnan pa praktiká ku e ekiponan mas grandi di e organisashon unda e ta destakando.

Entre esakinan, lo e ta ku e ekipo Jong Ajax awe, miéntras ku ya ta pensando tambe ku pronto lo e por hasi su debut ku e promé ekipo di Ajax, den Eredivisie.