CacheBliss ta bai dominá kaya ku GIO i ONE den marcha grandi

229
GIO i ONE ta bai tembla kaya ku Grupo CacheBliss dia 23 i 25 di febrüari próksimo. 

WILLEMSTAD,—-Despues di algun aña Grupo Cache ta bèk den kaya, pa asina nan bai selebrá e di 50 edishon di e era nobo di nos Karnaval. Pa ku esaki nan ta bai uni ku Grupo Bliss, esaki mes ta e motibu ku nan ta bai bou di e nòmber CacheBliss.

Pa loke ta trata e partisipá musikal nan ta bai kaya ku Tata i Yu. Den e kaso aki nan ta bai kaya ku agrupashon musikal GIO ku den pasado a bai marcha ku Grupo Cache pa masha hopi aña, i no ta un sekreto ku agrupashon musikal “ONE Flavaz” ya a bai kaya kaba ku Grupo Bliss.

‘E Mulina’, a haña informashon ku Grupo CacheBliss” su trahe nan ta algu hopi serio, i ku sin duda nan lo bai lanta bastante stof na momentu ku nan pasa den kaya. Mas aleu ‘E Mulina’, a komprendé ku ainda tin algun lugá, si dado kaso bo ke bai kaya ku grupo CacheBliss.

Pa drenta den kontakto ku Lider nan di Grupo CacheBliss, esaki ta fásil, djis bo tin ku nan e dos number nan di telefon ku ta 5159907 ku ta di Grupo Cache i 5609250 ku ta di Grupo Bliss. No drumi si no, paso di loke ku ‘E Mulina’, por a mira, solamente nos por bisa ku “palabra no mester ta hopi”.