Dj Atley ta presentá otro piesa nobo pa temporada di Karnaval

161
Su piesa nobo “Bai laba” ta zona bon mes. 

WILLEMSTAD,—-E dia nan aki tin diferente  kantante den diferente género musikal ta den studio di grabashon, pa ku piesa nobo. Di informashon ku a drenta na mesa di redakshon di  ‘E Mulina’, ta bisa ku Dj Atley ta bolbe manda un piesa nobo kaya.

Ta trata aki di un piesa ku mester bai traha su nòmber den temporada di karnaval, tantu den Jump In i Jump Up, pero tambe den tur e marcha nan di karnaval. Titulo di Dj Atley su piesa nobo ta “Bai laba”, e piesa ta bai rondó di dos dama bisiña ku ta krusa ku otro den un forma masha apart.

Otro informashon ku ‘E Mulina’, ta disponé di dje ta bisa ku, for di awe e piesa nobo di Dj Atley ku su titulo ta “Bai laba” ta kuminsá zona na diferente radio emisora lokal. Mas aleu nos tin informashon ku Dj Atley ta den negoshashon ku gerente di un radio emisora lokal. No ta bai duru hopi ku ‘E Mulina’, ta bai los na unda Dj Atley ta bai kuminsá laborá den futuro.