Hóben (17) hinká na ROC Den Haag

170
hóben (17) hinká na skol

DEN HAAG—Un hóben di 17 aña a keda heridá na e skol ROC Mondriaan na Den Haag.

Polis ta investigando si ta trata di un hinkamentu. Segun testigunan ta trata di un studiante di e skol. Polis a informá ku e víktima a haña tratamentu médiko na hospital pa su heridanan. Entretantu el a bandoná hospital. No tin informashon di e motibu di e insidente. Testigunan ta bisa ku posiblemente ta trata di un wega ku a sali for di man. E hóben tabata hasi wega den grupo ku kuchú ora posiblemente el a keda hinká, pues por ta un aksidente. Pero ta investigashon mester determiná esaki pasobra ultimamente tabatin hopi insidentenan violento den kua menornan di edat tabata envolví. E skol en kuestion ta duna lès den téknika di outo.