Silvo Maria i  Grift ta pone nan promé piesa nobo riba merkado

140
For di awe nan piesa nobo “Skuchami” ta kuminsá zona na diferente radio emisora lokal.

WILLEMSTAD,—-Ayera den ora nan di anochi ‘E Mulina’, a risibí un piesa nobo den e género di Urban. Ta trata aki di un piesa kaminda ku dos kantante ta uni nan bos huntu, e dos kantante nan ta Silvo Maria i Grift.

Titulo di piesa ta “Skuchami”. Ku e piesa nobo aki e dos kantante nan esta Grift i Silvo Maria ta habri aña ku intenshon nan serio den e género di Urban. No ta un sekreto ku ya pa algun aña Urban a bin ta dominá den nos farándula.

‘E Mulina’, a komprendé ku for di awe e piesa nobo di Silvo Maria i Grift ta kuminsá zona na diferente radio emisora lokal. Mester bisa ku e titulo di e piesa “Skuchami” ta bai mishi ku diferente persona su kurason. Djis bo yama bo radio emisora preferí i asina bo pidi pa e piesa nobo “Skuchami” di Silvo Maria i Grift.