E chèns ta hopi grandi ku Tico Libiee no ta den Tumba 2020

1075
Na e momentu aki e no tin interes pa partisipá den Tumba 2020.

WILLEMSTAD,—-No tin duda ku tur konsentrashon na e momentu nan aki ta riba nos Festival di Tumba ku ta den su selebrashon di 50 edishon. Tin masha hopi rumor ta kore rondó di partisipashon di algun kantante di taya ku atraves di aña a yega partisipá den festival di Tumba.

Ayera den ora nan di atardi ‘E Mulina’, a haña informashon ku e chèns ta hopi grandi ku e legendario kantante Albertico “Tico”Libiee no ta partisipá e aña aki den Tumba 2020 su di 50 edishon. ‘E Mulina’, mes a papia ku e legendario kantante i e la bisa ‘E Mulina’, ku “Na e momentu aki ku mi ta para bo dilanti, mi no ta bai partisipá, paso tin algun kos chikí ku ta hunga un ròl grandi pa ku mi partisipashon, pero mi nos sa ku kisas pa otro siman mi pensamentu por kambia”.

Mester bisa ku semper ku Tico Libiee bin partisipá den Festival di Tumba tin hopi atenshon rondó di su partisipashon. Pues sigur ku e no partisipá sin duda su presensia lo bai hasi hopi falta den Curaçao Festival Center. ‘E Mulina’, a hiba un kombersashon serio ku e kantante Tico Libiee i nos a bisé ku e tuma algun dia pa e pensa i ora ku e kaba di pensa e hasi nos un yamada. ‘E Mulina’, ta keda ku e speransa ku Tico Libiee lo por kambia di pensamentu, pa wikènt aki nos lo haña kontesta serka Tico Libiee i asina no tende kiko lo bai ta su desishon final.