Sektor di Konstrukshon lo kai ku 2%

67
pèrmitnan konstrukshon a baha ku 28% den último kuartal 2019
AMSTERDAM—E sektor di konstrukshon lo kai ku 2% den 2020 debí na e krísis PFAS i nitrogeno, segun ABN Amro.

Ku esaki lo bini un fin na e añanan bon pa konstrukshon. Den 2019 ainda tabatin kresementu di 4% segun e banko. Pa motibu di e desishon di Raad van State den 2019 no por duna permitnan pa proyektonan di konstrukshon kaminda tin emishon di nitrogeno. For di algun luna pasa tin normanan stringente pa kantidat di PFAS den tera loke ta pone ku no por move tera fásilmente. E konsekuensianan por mira den e sifranan segun ekonomista Buijs di Bouw en Vastgoed di ABN Amro. E portofolio di kontratistanan a baha pasobra nan ta limitá den nan trabounan. E pèrmitnan a baha ku 28% den último kuartal di 2019. E banko ta spera un stabilisashon den 2021 pa e sektor di konstrukshon. Pero e problemanan ta dependé di medidanan den gabinete.