Arnell Salsbach tabata grandi ayera “Den Do Mayó”

150
E tabata grandi ayera durante di e programa di farándula “Den Do Mayó”.

WILLEMSTAD,—-Ayera un biaha mas e programa di farándula “Den Do Mayó” ku su invitado Arnell Salsbach a perkurá pa hopi hende sinta duru na punta di nan stul pa tende e historia di e legendario músiko ariba menshoná.

Loke ku a hala bastante atenshon durante di e programa ta kon Arnell a para ketu riba historia di su Tata ku ta defuntu Shon Ma Salsbach, tambe e la para ketu riba su mama Doño Mafalda Minguel su karera musikal. Arnell a konta kon su Tata na aña 1975  a bai kuné toka pa asina e por a val in riba timbal i for di e dia ei nunka mas e la sali for di farándula .

Hopi hende a konosí e músiko hopi mas di aserka ayera, paso masha kos a bin dilanti ku nunka promé e músiko no a yega di papia riba dje den pasado dilanti di pantaya di televishon, ni tampoko riba e plataforma di FaceBook.

Mester bisa ku Arnell e aña aki ta selebrá 45 aña ku e ta aktivo den nos farabdula lokal i esaki sigur ta algu. Ku mester para ketu riba dje, paso 45 aña den farándula ta un bida di hopi hende i esaki ta loke ku Arnell Salsbach práktikamente hinter su bida. Si dado kaso pa un karera òf otro bo no a logra di wak e programa di farándula “Den Do Mayó” riba e dia di ayera, no prekupá paso bo por wak e riba e plataforma di FaceBook i esaki nan ta esun di Vigilante i esun di Direct Media Curaçao. Pero tambe mester bisa aserka ku e programa ta ripití djasabra seis or di atardi.