E Boeing 737 a sufri un kandela promé ku el a aksidentá

70
Sitio unda e aksidente lamentabel aki a keda registrá.

TEHERAN – E boeing 737 di e aerolinea ukriano UIS aksidentá serka di Teheran, a sufri un kandela promé ku el a aksidentá kousando morto di 176 okupante.

Sitando testigunan di e aksidente, tantu personanan ku tabata na tera komo e tripulashon di otro buelo nan, a informe ta relatá ku a opservá un kandela na e aparato promé ku e eksploshon ku a kousa su kaida kontra suela.

E Organisashon di Aviashon Sivil di Iran a indiká ku e avion inisialmente tabata dirigí su mes direkshon ost i despues ku e problema a tuma lugá, a bira bèk pa e ruta banda drechi. Pues na momentu di su kaida e tabata direkshon bèk pa aeropuerto.

E aparato a disparsé for di radarnan na momentu ku e tabata na altura di 8 mil pia i tur kos ta indiká ku no a risibí ningun mensahe di radio ku e pilot relashoná ku sirkunstansianan apnormal.

Na momentu ku e tragedia aki a koinsidí ku e atake ku misilnan ku Iran a hasi kontra un base militar na Irak, ku presensia estadounidense, a sigui surgi spekulashonnan ku ta duda si e avion enbèrdat a sufri un aksidente.