FIOD kier koperashon ku Dubai, Singapore i Hongkong

87
Fiod a finalisá alrededor di 800 investigashon
ROTTERDAM—Den ‘opsporing’ di plaka kriminal FIOD kier mas koperashon ku sentronan finansiero manera Dubai, Singapore i Hongkong.

E servisio di investigashon i inteligensia fiskal (FIOD) a bisa ku kriminalnan ta hasiendo uso di konstrukshonnan kompliká pa labamentu di plaka internashonal. Den 2018 Fiod a finalisá alrededor di 800 investigashon, di kua 305 riba petishon di eksterior. Sin koperashon internashonal no por hasi e trabou segun Fiod. E koperashon ku Singapore i Hongkong ta progresando, ku Dubai ainda no ta asina leu. E ministernan di Asuntunan Eksterior i Hustisia ta negoshando ku Dubai riba un tratado pa interkambio di informashon hurídiko, asina Fiod a konfirmá. E tratado ta fasilitá akseso na informashon bankario di sospechosonan i di personanan i kompanianan den Dubai. Fiod ta afiliá kaba na e ret J-5, un koperashon ku Merka, Inglatera, Oustralia i Canada. Danki na e aliansa aki e servisio tin akseso na e ret di e paisnan aki.