Germain“Sami”Cristina den Tumba 2020 ku Rizam ku Z

209
Mi ta aden 100% ku agrupashon musikal Rizam ku Z.

WILLEMSTAD,—-Algun siman tras di lomba ‘E Mulina’, a bisa ku Germain “Sami”Cristina ta bèk na Kòrsou i ku e ta kla pa bai partisipá den Festival di Tumba 2020 su 50 edishon, i tambe nos a bisa ku e chèns ta hopi grandi ku e ta bai keda kompaña pa HighWay Band.

Pero ayera den ora nan di anochi ‘E Mulina’, a haña informashon i alabes konfirmashon ku e kantante Germain “Sami”Cristina su plan nan a keda mes un kos, pero e ta bai ku agrupashon musikal Rizam ku Z, ku tambe tei bèk den festival di Tumba despues di basta aña.

Otro informashon ku nos ta disponé di dje ta bisa ku Marvein Snijders i Sami mes a traha nan e Tumba, miéntras ku Randal Corsen ta e areglista di Germain “Sami”Cristina. Esaki ta nifiká ku e kantante ariba menshoná tin plan nan hopi serio pa ku su partisipashon den Tumba 2020 su di 50 edishon.

‘E Mulina’, a drenta den kontakto ku “Sami” i nos a puntr’é ku ainda su plan nan a keda mes un kos, manera ku a sali algun siman pasa den Korant Vigilante. Mester bisa ku e kantante a bisa ‘E Mulina’, lo siguiente. “Tin un kambio pa loke ta trata agrupashon musikal, paso na promé instante mi mester  a bai ku HighWay Band, pero den esaki tin un kambio i awor mi ta bai ku Rizam ku Z, i sobra tur kos si e keda mes un kos”.