Jurgen Locadia a duna Hoffenheim bentaha ku nan no a mantené

173
Jurgen Locadia.

SPAÑA—E atakante Yu di Kòrsou, Jurgen Locadia, kende ta parti di e ekipo di futbòl aleman, Hoffenheim, ku ta hunga den Bundesliga, a anotá ayera pa su ekipo. Esaki den wega amistoso kontra di e ekipo di Eredivisie na Hulanda, ADO Den Haag, kual a mira akshon na Spaña unda ku ADO ta den nan trainingscamp.

Jurgen Locadia a inisiá i a hunga kompletu, anotando na di 16 minüt di e parti inisial, pa asina Hoffenheim sosegá den bentaha mínimo.

Sinembargo den e parti komplementario, e ekipo for di tera friu, ku ayera a hunga sin presensia di e miembro di nos selekshon nashonal, Elson ‘Sontje’ Hooi, a reakshoná ku 2 gol, pa asina logra e triunfo, ku skor di 2-1.