Jurick Salomón ta hasi su debut den Tumba 2020 ku Highway Band

124
E ta bai hasi su debut den Tumba 2020.

WILLEMSTAD,—-Di informashon ku a drenta na mesa di redakshon di ‘E Mulina’, ta bai rondó di e popular kantante di Aruba, ta trata aki di e kantante kompositor Jurick Salomón ku ta gerente di agrupashon musikal “1OAK”.

T’asina ku ‘E Mulina’, a haña informashon ku e kantante Jurick ta bin partisipá den Festival di Tumba di Kòrsou i e ta bin hasi esaki ku un komposishon di e legendario Tumbero Jersey Isenia. Tambe mester bisa aserka ku Jersey Isenia i Giovani Marcera a perkurá pa e areglo di Jurick Salomón su Tumba.

Mas aleu nos a keda pone na altura ku Jurick ta bai keda kompaña pa agrupashon musikal HighWay Band, ku mas ku klaro ta bai ku nan kantante prinsipal Roald Balentien. Esaki ta nifiká ku un aña mas tin un kantante di Aruba ku ta bai hasi su debut den nos Festival di Tumba i esaki sin duda ta loke ku nos mester apresiá.

Esaki ta nifiká ku e legendario kantante kompositor Tumbero Jersey Isenia no ta den komo kantante, manera ku nos a kustumá kuné, pero si e la bai tei komo kompositor areglista. Pues den su forma e ta duna su sosten na festival di Tumba di Kòrsou. Kòrda ku na dos okashon Jersey a sali promé finalista i esaki nan tabata na 1991 i na 1997. For di awe nos ta yama Jurick salomón Bon Bini den nos festival di Tumba 2020 su di 50 edishon.’