Maduro a anunsiá ehersisionan pa e promé 15 dianan di febrüari

57
Maduro, kende a duna e informashonnan na e pais den oranan di ayera.

CARACAS – E presidente di Venezuela, Nicolas Maduro, a anunsiá ku e promé 15 òf 16 dianan di febrüari, Forsa Arma Nashonal Bolivariano lo realisá e promé ehersisionan militar di aña 2020 pa entrená defensa di e siudatnan.

Segun Maduro a indiká, nan lo defendé e siudat for di paden, for di bario i montañanan. Mas aleu el a indiká ku den un akto di gobièrnu realisá na sede di Akademia Militar i ku lo keda transmití na televishon nashonal.

E gobernante a señalá ku den e aktividatnan aki lo desplegá sistema di armanan i un kuerpo formá pa sivilnan militante di chavismo.

Durante aña 2019, Maduro a ordená ehersisionan militar di 3 pa 28 di sèptèmber di algun maniobra nan ku lo mester keda realisá na e estadonan di Zulia, Tachira, Apure i Amazonas, teritorionan ku ta forma e 2.219 kilometer di frontera ku Venezuela ta kompartí ku Colombia.

E mandatario a indiká ku awor aki lo sosodé meskos ku dia a bai defendé patria na frontera, pues awor lo defendé na e siudatnan di Caracas, Maracay, Valencia, Barquisimeto i Maracaibo.

Segun Maduro, ku e prátikanan aki, nan ta buska pa defendé e pais karibense na solamente di imperialismo norteamerikano òf kolombiano si no tambe di mafianan ku ta ataká Venezuela manera mafia di gasolin ku ta daña prinsipalmente interior di e pais.

Den e aktividat, Maduro a indiká ku Venezuela mester ta uní, pues e ta konsiderá ku nan ta un patria akosá pa imperialismo.

E lider chavista a pidi tur hende pa ta kla pa rementá djente di esnan ku kier sa nan por mishi ku e suela sagrado di Venezuela.