Tiroteo ta laga saldo di dos morto atras na New York

81
Outoridatnan ku a presentá na e sitio di e tiroteo.

ESTADOS UNIDOS – Un tiroteo registrá na New York den oranan di mardugá, a laga saldo di dos morto despues di un pelea den un bar. Esaki na mesun momentu ku a publiká un informe polisial ku ta sertifiká e promé oumento di sifranan di asesinato for di aña 2016 na e siudat.

Outoridatnan polisial di New York a informá ku despues di un diskushon den interior di un lokal, esnan impliká a sali riba kaya den oranan di mardugá i un di esaki nan a lòs bala riba e otro.

Vários agentenan ku tabata na e sitio patruya do den un parke den serkania, a skucha e zonidonan bala, mesora a akudí na e sitio i a pidi e atakante pa tira e arma i bai plat, sin éksito.

Despues ku e hòmber armá a keda ninga, outoridatnan a tira tres biaha den su direkshon, te na momentu ku a logra tumb’é. Ámbos personanan impliká den e kaso aki a keda trasladá pa un sentro médiko, unda a sertifiká e mortonan.

Na e sitio outoridatnan a sa di rekuperá dos arma di kandela ku tabata pertenesé na kada un di e víktimanan.

E hòmber tirá pa polis, a kaba di sali prizòn pa kumpli un kastigu di ocho aña, pa otro kaso di tiroteo den kua e tabata impliká.