OM: chinesnan tras di likidashon Rotterdam

173
dos chines a bini spesial fo’i China pa ehekutá e krímen
ROTTERDAM—Dos chines ta sospechoso den kaso di likidashon di Moon Choi den Kralingen den oktober 2018 segun OM.

Segun prensa polis ta kere ku e dos chinesnan Jin X (31) i Sun L (29) a bini spesial for di China pa ehekutá e krímen. Moon Tong Choi (64) tabata den su outo ora el a keda alkansá pa tirunan riba krusada di Oudedijk. Choi tabata konosí di polis relashoná ku trafikashon den droga sintétiko i material pa produkshon di droga. E otro sospechosonan Christopher N (24) i Jouhani B (23) ta esnan ku a lòs e tirunan segun Ministerio Públiko. E motibu di e krímen ta posiblemente un debe ku Sun L lo tabatin serka Choi. L ta primu di Choi i e kier a likidé pasobra el e gasta e suma den wega di plaka i no por a paga Choi mas. Polis ta bisa den e ‘dossier’ ku por rekonstruí e preparashon i ehekushon di e likidashon. Asina un dje sospechosonan ku a tira a haña un telefòn ku fotonan di e outo dje, plachi number i kopia di identifikashon di Choi. Tambe nan lo a opservá Choi pa algun dia. Djaweps tabatin e di kuater tratamentu proforma di e kaso. E tratamentu di kontenido ta planiá pa aprel. Tres di e 4 sospechosonan ta keda enkarselá. Solamente B ta liber.