15 morto registrá den eksploshon na Pakistan

58
Algun di esnan heridá a keda transportá pa sentronan médiko den serkania.

ISLAMABAD – Un total di 15 persona, entre nan un mando polisial, a pèrdè nan bida i otro 19 a resultá heridá den un eksploshon ku a keda produsí na e siudat pakistaní di Quetta i outoridatnan ta atribuí esaki na un atake terorista suisida.

Den esaki un total di otro 19 persona mas a resultá heridá. Aparentemente tabata un eksploshon suisida. E misa tabata un sitio fásil pa e teroristanan.

Tabata nèt na momentu ku e orashonnan di oranan di atardi a terminá, ku mesora un eksploshon a keda registrá den e edifisio.

Debí na e eksploshon aki, e Ministerio di Sanidat a deklará emergensia médiko na tur e hòspitalnan di Quetta. Mesora a pidi tur e personal médiko i personal tékniko pa mantené nan mes na nan sitio di trabou.

E zona di e eksploshon a keda rondoná pa asina inisiá ku e investigashonnan di e insidente aki, miéntras ku diferente ekipo di reskate a keda trasladá na e sitio i a transportá esnan heridá pa sentronan médiko.

Na aña 2019, Pakistan a registrá ménos violensia terorista den 15 aña di tempu, ku 393 morto den 159 atake i 111 operashon di forsanan di seguridat.

Ademas, 687 persona a resultá heridá, entre nan 506 sivil i 178 miembronan di forsa di seguridat.