Dirigentenan di Sta Maria a premia Erick Lourens i Henry Caldera

74
E parti ofisial di e anochi.
WILLEMSTAD—Djaweps último den oranan di anochi, direktiva di Sentro di bario Sta. Maria, a premia dirigentenan kende mas a destaká di temporada 2019. Esaki durante di un bríndis di aña, ku a tuma lugá na Sentro di bario Sta. Maria.

Pa e premiashon aki, a hasi entrega di un plaka di mérito, na entre otro Erick ‘Lou’ Lourens, kende ta presidente di Vesta i tambe Henry Caldera, ku ta e direktor tékniko di Vesta. Esaki pa nan aporte balioso, ku a yuda ku e ekipo di futbòl di e bario di Sta Maria i bisindario, S.V. Vesta, por a bira kampion di Kòrsou pa promé biaha, despues di nan di 71 aña di eksistensia.

Despues di e parti ofisial di anochi, unda tabatin diskurso di Franklin Mathilda, presidente di Sentro di Bario Sta. Maria, Sedney Martis, a hasi entrega di e plakanan di mérito na Erick Lourens i tambe Henry Caldera.