Lewis Hamilton ku donashon di mei mion doler pa Oustralia

48
Lewis Hamilton ku donashon di 500 mil doler pa e animalnan di mondi na Oustralia.
OUSTRALIA – Otro di e tòp deportistanan ku a uni su mes pa brinda sosten na e víktimanan di e enorme kandela di mondi ku a surgi na Oustralia resientemente ta e famoso piloto di Fórmula 1, Lewis Hamilton.

E seis bia kampion di mundu a hasi un donashon di 500 mil dòler ku ta destiná pa kubri gastunan di refugio i tambe mantenshon di e animalnan di mondi di e pais. Hamilton ta un vegetariano i na diferente okashon a sali na defensa i demostrá su sosten na medio ambiente. Lewis Hamilton ta konosí pa ta un amante di animal.

“Ta un doló enorme p’ami di mira kon un kantidat enorme di animal ta pèrdè nan bida di un forma kruel i doloroso miéntras ku nan no por a hasi nada kontra esaki tampoko. Ta un tristesa enorme mi tin na e momentunan aki. Ademas tin un kantidat di animal ku, debí na e tragedia aki, awor ta mas serka di stòp di eksistí ku nan tabata anteriormente kaba.”