Marchena i Sta Maria ta gana ayera den Torneo FABB 2020

71
Kareda pa e ekipo di Marchena.

WILLEMSTAD—E di 23 edishon di e torneo di beisbòl pa mucha, Torneo FABB 2020, ku ta dediká na David Pinto (q.e.p.d.) a sigui ayera. Esaki riba tereno di parke Suvek, unda ku den Minor League tabata e ekipo di Marchena ku a gana di Jandoret ku skor di 7-5.

Miéntras ku den kategoria Little, e ekipo di Sta Maria a gana ku fasilidat di e ekipo di St. Michiel, pa blankeo ku skor di 14-0.

Miéntras tantu e torneo aki, ku ta programá pa finalisá otro siman djadumingu, dia 19 yanüari 2020, lo kontinuá durante di e fin di siman aki. Un ke otro ku diferente partido ku lo mira akshon, riba ámbos tereno na Suvek Ballpark, tantu awe djasabra dia 11, komo mañan djadumingu dia 12 yanüari 2020.

Weganan ta inisiá for di den oranan trempan di mainta, riba ámbos fecha.